بسم الله الرحمن الرحيم
مسلسل قتل الأزواج
خارج ياضنايا من طلعتها وراجع والناس نيام
نفسه يوصل بيته يشعر بالدفء والإطمئنان
دخل وقال لها جهزي العشا ياإبتسام
قالت. ماطبختش نسيت تسيب لي فلوس ياروح إبتسام
قال. كنت اتصرفتي. التلاجة مليانة خير هتنيمينا من غير عشا والله حرام
قالت. كنت بغسل وتعبانة وخلص عشان عايزة أنام
قال لها وأنا. قالت له المطبخ قدامك بلا كتر كلام
دخل ياعين أمه ودخلت معاه شدوا مع بعض ضربته بسكينة في قلبه وماصدقش الكلام
خبط أهله علي شقته فتح لهم وجرحه غائر والدم غرق المكان
وخلاص خلصت الحدوتة ومات ياولدي والعار والمصايب هيلاحقوا إبتسام.
ودي مش أول حادثة ولا هتكون الأخيرة كمان
والتانية بيسألوها. قتلتي جوزك ليه ياإلهام
قالت. جريمة قتل عادية ماتشغل بالك يابيه أهو راح والسلام
ريح واستريح أنا ماقصدتش كنت عايزة اخوفه عشان يسمع الكلام
ومات الجدع. واتشردوا العيال واهي مخفية في السجن إلهام.
حلقة ورا حلقة. وبتتخرب بيوت وتتشرد أولاد
ويورثوا العار لآااااااااااااخر الزمان.
علموا بناتكم
إن للزوج واجبات لازم تتصان
الجواز مش فسحة ولا بدلة رقص ولادك لو شافوها هيسألوا ليه وبكام
الزوج مش عايزها للرقص وبس وملعونة الحياة علي الواجبات. وحق أهله كمان
علموهم
إن السعادة في الهدوء والسلام
والحياة معاه علي الحلوة والمرة والجسر يتبني بجميل الكلام
علموهم
إن للأولاد حقوق مانضيعها في لحظة يتحكم فيها الشيطان
عايزين المسلسل ينتهي. وترجع حياتنا الطبيعية والزوج يرجع محور الحياة وله كل الإهتمام.
اللهم 👏أصلح بين أزواجنا وزوجاتنا.
وانزع الغل والحقد وازرع المودة والإحترام.
✍️ دعاء حجر
ليست هناك تعليقات:
إرسال تعليق