الحلم الضائع
،،،،،،،،،،،،،،،،،،،،،،،فٓجْأهْ صحيت علي حلمي اللي ضاع
من يومهـا عايش جـوه قلبي صراع
عـلي أمـل لاكـن كـان الأمـل خـداع
كـان نفسـي أصنــع للسفينـه شــراع
كان حلمي أعبر يا زمن بحر الضياع
يا زمن قتلت ليه الحلم تاني جوايه
مش كنت ترحـم أرجوك كـدا كفـايه
سرقت أجمل شيئ شبابي وصبايه
سرقت ليـه فرحتي وتٓعٓبِي وشقـايه
صابر عليك يا زمن لكن للصبر دا نهايه
يا زمن حلمك بلاش الغدر من فضلك
طلبـت منـك كتيـر تعبت من رفضـك
كل الصحاب يا زمن شاهد علي غدرك
سايق عليا الدلال معرفش ايه قصدك
لو شكوتي بتالمـك ارفـع بقـي ظلمك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمي
مهندس/ حسن سعد السيد
ليست هناك تعليقات:
إرسال تعليق